جەنگی ئێران و عێراق ململانێیەکی چەکداری نێوان ئێران و عێراق بوو کە لە ئەیلولی ١٩٨٠ تا ئابی ١٩٨٨ درێژەی هەبوو بە داگیرکردنی عێراق بۆ سەر ئێران دەستیپێکرد و نزیکەی هەشت ساڵ بەردەوام بوو، تا پەسەندکردنی بڕیارنامەی ٥٩٨ی ئەنجومەنی ئاسایشی نەتەوە یەکگرتووەکان لەلایەن هەردوولاوە.

ڕووداوەکە گەورەترین هێرشی چەکی کیمیایی بوو لە مێژوودا کە ئاڕاستەی ناوچەیەکی مەدەنی کرابێت، لە نێوان ٣٢٠٠ بۆ ٥٠٠٠ کەسی کوژران و ٧ بۆ ١٠ هەزار کەسی دیکەش برینداربوون کە زۆربەیان خەڵکی مەدەنی بوون. ئەنجامە سەرەتاییەکان لەپاش ڕووپێوییەکانی ناوچە بەرکەوتووەکان دەریانخست کە ڕێژەی شێرپەنجە زیادی کردووە و کەم و کوڕییەکانی لە دایک بوون لە ساڵانی دوایدا بەڕێژەیەکی زۆر بەرچاوبوو.

هێرشەکە بە سەختترین و کارەساتبارترین بەکارهێنانی چەکی کیمیایی لە مێژوودا دەست نیشان کرا، و زۆربەی قوربانییەکان گیانیان لە دەست دا بەهۆی شێرپەنجە، یاخود هێشتاش بەدەست کاریگەرییەکانیەوە دەناڵێنن.

لە 28ی شوباتی 2013، ئەنجومەنی کۆمۆنەکانی بەریتانیا بە فەرمی دانپێدانانی خۆی دەرخست بەرامبەر بە کۆمەڵکوژییەکەی دژ بە کوردانی عێراق، کە هاوکاتبوو لەگەڵ 25هەمین ساڵیادی هەڵمەتی ئەنفالدا.