كاتی بەدیهاتنی بەڵێنی ئیلاهی هاتووە.

ڕۆژنامە: جمهوری ئیسلامی

ژمارە: 2558  ساڵی نۆیەم

ڕۆژ و بەروار: شەممە، 6 فەروەردین 1367  (26/ 3/ 1988)

تەواوی سەروتارەكە لە لاپەڕە: 1 و 2

لاپەڕە: 1

لەسەر وتاری ڕۆژنامەكەدا، لەلاپەڕە 1 و 2، وتارێك بەناونیشانی (كاتی بەدیهاتنی بەڵێنی ئیلاهی هاتووە) بڵاو كراوەتەوە و باس لەوە دەكات كە: دونیا پەی بە لایەنە شاراوەكانی ڕژێمی عێراق و یشتیوانەكانەكانی بردووە و ڕژێمی عێراق لەو زۆنگاوەی كە بۆ خۆیی دروست كردووە، پەل دەهاوێت و سەرقاڵی ئەنجامدانی تاوانی زیاترە.

خەلكی عێراق كراونەتە ئامانجی هێرشە درندانەكانی عێراق. لەم ڕۆژانەی دواییدا، شاری كوردنشینی هەلەبجە، لە هەمولایەكەوە ڕوبەڕووی هێرشی كیمیاوی، بۆمبی هێشویی و ناپاڵم بووەتەوە. لەم شارەدا، سەدام تاوانێكی ئەنجامداوە كە هەمیشە لە مێژوودا دەمێنێتەوە.

هەرچەندە ڕژێمی عێراق لێوانلێوە لە تاوان، بەڵام ئەوەی كە لە كارەساتی دڵهەژێنی هەڵەبجەدا كاریگەرە و دەیكاتە تاوانێكی جەنگی، لایەنە جیاوازەكانی كارەساتەكە و شێوەی جینۆسایدی دانیشتوانی شارەكەیە. ڕاپۆرتە سەرەتاییەكان ئاماژە بەوە دەكەن كە ژمارەی شەهیدەكانی هەلەبجە لە 5000 تێپەڕیوە و ئەمەش لەكاتێكدایە كە بریندارانی ئەو كارەساتە، بەردەوام لە ناوەندە چارەسەریەكاندا، شەهید دەبن و بەردەوام ژماری شەهیدەكان لە هەڵكشاندایە.

ئەوەی لە هەڵەبجە ڕویدا، لەلای ڕژێمی عێراقەوە وەك تۆڵە سەندنەوە لە كوردەكانی عێراق ناوزەد دەكرێت، بەڵام ڕاستیەكەی ئەوەیە كە، سەدام لە هەڵەبجە گەورەترین گورزی لە پەیكەری ڕژێمەكەی داوە و بەناشیرینترین شێوە دۆسیەی تاوانە جەنگیەكانی لە دژی كوردەكانی عێراق پڕكردەوە.

سەدام، لەقۆناغی تۆڵەسەندنەوە لە كوردەكانی عێراق، كارێكی كرد كە تەواوی دونیای لە دژی خۆی یەكخست، ئەمەش گورزێكی گەورەیە بۆ ئەو ڕژێمە كە تەنانەت پشتیوانەكانیشی ناتوانن بەرگری لێبكەن….. سەدام لە تاوانی هەڵەبجەدا ئەوەی پشتڕاست كردەوە كە بۆچی هەستی تۆڵەكردنەوە لە ناو كوردەكانی عێراقدا جۆشی داوە و سورتری كردوون لە جەنگان دژی ڕژێمی بەغەداد؟

                                                                 

پاشماوەی وتارەكە: لاپەڕە، 2

تاوانی عێراق لەو ڕوەوە، گەورەترین گورزبوو كە بەر پەیكەری ڕژێمی بەغداد كەوت و بەیەكدەنگی كوردەكانی عێراقی لە دژی خۆی جۆشاند. ئەگەر چی پێشتریش ناوچە كوردنشینەكان ڕوبەڕوی هێرشی كیمیاوی و كۆچی زۆرە ملێی دانیشتوان و ڕوخانی گوندەكان بوونەتەوە، بەڵام ئەو تاوانە دڕندانەیەی كە لە هەلەبجە ڕویدا، بەتەواوی ئەوەی سەلماند كە ڕژێمی عێراق ئامادەی جینۆساید كردنی كوردەكانە و ئەگەر هەلێكی بۆ بڕەخسێت، بێگومان هیچ كەمتەرخەمی لە بەكارهێنانی دڕندانەترین شێوە ناكات، هەرئەوەش بووەتە هۆی ئەوەی كە هەستی تۆڵەسەندنەوە لای كوردە بەغیرەتەكانی عێراق بەرامبەر بە ڕژێمی عێراق بجۆشێت.

ئێستە گونجاوە كە هاوكات لەگەڵ ڕوداوی هەڵەبجەدا، سەیرێكی دونیای ئیسلام بكەین و بزانین لە بارودۆخێكدان؟ بەچاوخشاندنێكی خێرا، دەگەینە ئەو دەرەنجامە تاڵە كە لە ئێستەدا، تەواوی دونیای ئیسلام یان لە ژێر توندترین فشاری زلهێزەكاندان یان داردەستانی ئەواندان، ئەمەش ڕاستییەكی تاڵە كە بۆچی موسوڵمانان بەو شێوەیە ستەملێكراون.

پاشماوەی وتارەكە باس لە: ڕوداوەكانی فەلەستین، ڕوداوەكانی عێراق، ڕوداوەكانی میسر و تاوانەكانی ڕژێمی ئەو وڵاتە دژی موسوڵمانان، ڕوداوەكانی ئەفغانستان و سەرنجامیش هێرشەبەردەوامەكانی عێراق بۆسەر شارەكانی ئێران، ئەوە نیشاندەدەن كە موسوڵمانان چەندە ستەملێكراون.

دواتریش باس لە بەرەنگاری و هیوای موسوڵمانان بەسەركەوتن دەكات و بە بێداری ئیسلامی دەزانێت، ئەمەش بە گەورەترین وانە ناودەبات كە ئینقلابی ئیسلامی بە موسوڵمانانی وتووەتەوە.

 

ئامادەكردن و وەرگێڕانی: م. ی. اركان احمد حسن (جاف)