سەردانی ڕۆژنامەنوسانی بیانی بۆلای بریندارانی هەڵەبجە لە تاران

ڕۆژنامە: جمهوری ئیسلامی    

  ژمارە: 2558      ساڵی نۆیەم    

ڕۆژ و بەروار: شەممە، 6 فەروەردین 1367  (26/ 3/ 1988)   

لاپەڕە، 2   

 

لە درێژەی سەردانی پەیامنێرانی بیانی بۆ بەرەکانی جەنگ و دیتنی سنووری فراوانی پێشڕەوییەکانی ئەم دواییەی سوپای ئیسلام لە ئۆپەراسیۆنی وەلفەجری 10، کە دوای هێرشە مووشەکی و ئاسمانییەکانی ڕژێمی بەعسی سەهیۆنی عێراق بۆ ناوچەكانی نیشتەجێبوون لە ئێران ئەنجام درا،  دوای نیوەڕۆی ڕۆژی دوشەممە و ڕۆژی سێشەممەی ڕابردوو، پەیامنێرانی ناوەندە هەواڵییەکانی ڕۆیتەرز، تەلەفزیۆن و بڵاوکراوەکانی تورکیا،  کەناڵەکانی تەلەڤزیۆنی سی ئێن ئێنی ئەمریکا،  ئای تی ئێن و بی بی سی ئینگلیزی،  هەروەها پەیامنێران و ڕاگەیاندنکارانی وڵاتانی نەمسا،  فەڕەنسا،  سوید،  هۆلندا،  دانیمارک و وڵاتانی دیکە، لە دوو نەخۆشخانەی تاران سەردانی بریندارانی کیمیاییبارانی شاری هەڵەبجەیان کرد کە لە لایەن ڕژێمی گڵاوی عێراقەوە بریندار کرابوون، لەگەڵ بریندارەکان دیدار و گفتوگۆیان ئەنجام داوە و ڕاپۆرتیان ئامادە کردووە.

 

ئامادەكردن و وەرگێڕانی: م. ی. اركان احمد حسن (جاف)

وێنەی لاپەڕەكە لە ڕۆژنامەی جمهوری ئیسلامی