ڕۆژی یەکشەممە ٢٣/ ٧/ ٢٠٢٣ لیژنەی ئەرشیفی دیجیتاڵی جینۆسایدی هەڵەبجە لە هۆڵی کتێبخانەی کۆلێژی زانستە مرۆڤایەتییەکانی زانکۆی هەڵەبجە بە سەرۆکایەتی بەڕێز ( پ ی د. نەریمان عبداللە) سەرۆکی لیژنەو ئەندامانی، کۆبوونەوەی ئاسایی خۆی ئەنجامدا، لە سەرەتادا سەرۆكی لیژنە بەناوی لیژنەكەمانەوە سوپاسی بەڕێز سەرۆکی زانکۆی كرد کە هەمیشە پشتیوان وهاوكاریی بەردەوامی پڕۆژەکەمان بووە، هەروەها سوپاسی ئەندامانی بەڕێزی لیژنەی كرد كە دڵسۆزانە كار لەم پرۆژە مەزنە دەكەن، دواتر گفتوگۆ لەسەر چەند پرسێكی گرنگ كرا كە بریتی بوون لە
١- دانانی پلان و میکانیزمەکانی کارکردن لە داهاتوودا بۆ بەرەو پێشچوونی پرۆژەکە
٢- کارکردن لە سەر دروست کردن و زیاد کردنی ڕووکاری بەشی عەرەبی لە سەر ماڵپەڕی ئەرشیفی دیجیتاڵی جینۆسایدی هەڵەبجە
٣- هەروەها پۆلێن کردنی ئیش و کارەکان بە سەر ئەندامەکان و باس کردنی ئەو دۆکۆمێنتانەی کە دەست لیژنەکەمان کەوتووە
بە چەند پێشنیارو ڕاسپاردەیەكی گرنگ كۆتایی بە كۆبونەوەكە هات
